Pa supervishon riba un bon kumplimentu ku e deber di mèldu, Ministerio di Finansa a indiká algun supervisor. Un parti importante di supervishon ta pa verifiká si e dunadónan di servisio ta dispone di un organisashon atministrativo adekuá i kontrol interno. Pues, e organisashon di un dunadó di servisio mester tin e nivel ku e ta kapas pa hasi investigashon di kliente i ku empleadonan ta kapas pa rekonosé un transakshon inusual i mèldu esaki serka FIU-Nederland. Ademas, e supervisornan ta vigilá pa e dunadónan di servisio tambe realmente ta hasi investigashon di kliente i, ora ta nesesario, mèldu transakshon inusual.