Seguradó di bida i intermediadó di seguro
Komo seguradó di bida i intermediadó di seguro bo ta obligá pa mèldu transakshonnan no-usual na FIU-Nederland. Esei ta pará den e Lei di prevenshon di labamentu di plaka i finansiamentu di terorismo BES (Wwft BES). Bo ta mèldu tantu transakshon hasí komo transakshon ku no ta finalisá ainda (transakshon ku tin intenshon di hasí). Asina bo ta kontribuí na e lucha kontra labamentu di plaka, delito asosiá ku i finansiamentu di terorismo.
Seguro di bida: kombenio di seguro pa pago monetario en konekshon ku bida òf morto di e hende, ku eksepshon di kombenio di seguro di aksidente.
Intermediá: hasimentu di aktividatnan komo intermediario, den kuadro di un profeshon òf empresa dirigí riba:
a. realisashon di kombenio tokante un produkto finansiero entre e persona ku ta ofresé e produkto ei i un konsumidó òf un kliente;
b. realisashon di un transakshon den papel di balor pa kuenta di un kliente;
c. asistí den maneho òf ehekushon di kombenio òf transakshon semehante.
Prima: prestashon ku portador di pólisa ta debe basá riba un kombenio di seguro, ekspresá den sèn.
Asuntunan ku sigun e Wwft-BES ta kai bou di e aktividatnan di asegurador di bida i intermediario di seguro:
- Seramentu di, òf mediashon ku seramentu di un seguro di bida pa un prima manera intenshoná den e Wet financiële markten BES (Lei merkado finansiero BES).
Eksepshonnan:
Artíkulo 7
E indikadónan serka e areglo aki no ta aplikabel den kasonan unda, pa kumpli ku promesa tokante penshun dor di e dunadó di trabou na empleadonan uni ku su empresa:
- e dunadó di trabou a sera kombenionan di seguro ku un asegurador ku por ehersé e negoshi di asegurador di bida sigun e Wet financiële markten BES (Lei merkado finansiero BES);
- e empleadonan mes a sera kombenionan, manera intenshoná den parti a, i e dunadó di trabou a hasi esaki posibel, kompletamente òf parsialmente.
Pa aplikashon di loke a stipulá den insiso un, lo duna mesun nifikashon na e konseptonan penshun, empleado, i dunadó di trabou i empresa ku ta duna na e konseptonan similar, menshoná den artíkulo 1, insiso un i dos, di e Pensioenwet BES (Lei di Penshun BES).
Artíkulo 8
Ademas, e indikadónan no ta aplikabel riba e siguiente kasonan:
- seramentu di kombenio di seguro dor di un fondo di penshun manera intenshoná den artíkulo 1, insiso un, di e Pensioenwet BES (Lei di Penshun BES) pa transferí òf bolbe sigurá e riesgo derivá di e obligashonnan ku e fondo di penshun a tuma riba dje;
- seramentu di kombenio di kontrakt di seguro di bida i otro seguro sin prima òf balor di reskate;
- tokante transakshon pa kua solamente a saka un oferta i e portador di pólisa no a aseptá ainda.
Asuntunan ku sigun e Wwft-BES ta kai bou di e aktividatnan di Asegurador di bida i intermediario di seguro ta:
Hasi un pago basá riba un seguro di bida manera intenshoná bou di seramentu òf mediashon den seramentu di un seguro di bida kontra un prima manera intenshoná den e Wet financiële markten BES (Lei merkado finansiero BES).
Eksepshonnan:
Artíkulo 7
E indikadónan serka e areglo aki no ta aplikabel den kasonan unda, pa kumpli ku promesa di e dunadó di trabou tokante penshun na su empleadonan uni ku su empresa:
- e dunadó di trabou a sera kombenionan di seguro ku un aseguradó ku sigun e Wet financiële markten BES (Lei merkado finansiero BES) por ehersé e negoshi di asegurador di bida;
- e empleadonan mes a sera kombenionan, manera intenshoná den parti a, i e dunadó di trabou a hasi esaki posibel, kompletamente òf parsialmente.
-Pa aplikashon di loke a stipulá den insiso un, na e konseptonan penshun, empleado, dunadó di trabou i empresa ta duna mesun nifikashon ku e konseptonan similar menshoná den artíkulo 1, insiso un i dos, di e Pensioenwet BES (Lei di Penshun BES).
Artíkulo 8
Ademas, e indikadónan no ta aplikabel en relashon ku:
- seramentu di kombenio di seguro dor di un fondo di penshun manera intenshoná den artíkulo 1, insiso un, di e Pensioenwet BES (Lei di Penshun BES) pa transferensia òf bolbe sigurá e riesgo relashoná ku e debernan ku e fondo di penshun a tuma riba su mes;
- seramentu di kombenio di kontrakt di seguro di bida i otro seguro sin prima òf balor di reskate;
- en relashon ku transakshon pa kua ainda solamente a saka un oferta, ku e portador di pólisa no a aseptá ainda.
Ki ora mi ta mèldu un transakshon?
Bo tin e tarea legal pa ta alerta pa transakshon di bo kliente, i pa mèldu transakshon no-usual. Komo atministradó di un instituto di invershon bo ta na altura kiko ta usual den bo sektor. P’esei abo mes por husga mihó si un transakshon ta no-usual i posiblemente ta relashoná ku labamentu di plaka, delito asosiá ku òf finansiamentu di terorismo. Pues bo huisio profeshonal ta importante.
Tin transakshon ku semper bo mester mèldu, sin importá e sirkunstansianan. Esaki ta transakshon ku ta kuadra ku e indikadónan ophetivo. Akibou bo ta haña un resúmen di e indikadónan ku ta yuda bo evaluá transakshonnan. Ademas e guia general di ministerionan di Finansa i Hustisia i Siguridat i e guia di Outoridat Merkado Finansiero (AFM) ta duna bo hèrmènt pa kumpli ku e lei. De Outoridat Merkado Finansiero (AFM) ta bo supervisor i ta kontrolá si bo ta tene bo mes na bo obligashonnan di den Wwft.
Kua indikadó ta yuda mi evaluá transakshonnan?
Tin 7 indikadó ku por ta aplikabel pa atministradónan di instituto di invershon. Ku nan bo por determiná si bo tin ku mèldu na FIU-Nederland. Si e transakshon ta kuadra ku e indikadó ophetivo, e ora ei semper bo tin ku mèldu. Ku e indikadó suphetivo ta partikularmente importante pa bo mes kalkulá si un transakshon ta no-usual.
E deskripshon literal di e indikadónan den e Dekreto di ehekushon bo ta mira akibou. Bo ta usa e kódigonan poné dilanti di e indikadónan, ora di mèldu un transakshon no-usual. Si bo mèldu a base di un indikadó suphetivo, ta importante pa huntu ku bo denunsia, duna un deskripshon amplio den kua bo ta deskribí e transakshon i splika dikon bo ta sospechá ku tin asuntu di labamentu di plaka òf finansiamentu di terorismo.
Servisio manera esnan intenshoná den partinan a te ku d, g, i, i p te ku w di anekso A den e lei.
Subjectief01 – “Un transakshon di kua e dunadó di servisio tin motibu pa suponé ku esaki por tin di haber ku labamentu di plaka òf finansiamentu di terorismo.”
Objectief01 – “Ta lógiko, den kaso di transakshon ku tin konekshon ku labamentu di plaka òf ku finansiamentu di terorismo, ku ta mèldu na polis òf na Ministerio Públiko, pa tambe mèldu nan na e Unidat di Inteligensia Finansiero; ya ku ta eksistí e suposishon ku por tin un konekshon entre e transakshon aki i labamentu di plaka òf finansiamentu di terorismo."
Objectief13 - "Seguro di bida pa kua e promé pago di prima òf e prima di pólisa úniko ta mas ku USD 11.000."
Objectief14 - "Seguro di bida pa kua e promé pago di prima òf e e prima di pólisa úniko ta mas ku USD 6.000 den plaka kèsh.
Objectief15 - "Pago prima/ preis di e prima di pólisa úniko ta mas ku USD 140.000."
Servisio manera esnan intenshoná den parti f di anekso A den e lei
Objectief16 - "U pago kèsh di riba USD 11.000."
Objectief17 - "Un pago di riba USD 50.000 riba un kuenta serka un banko pafó di e Entidatnan Públiko Boneiru, Sint Eustatius i Saba denter di 5 aña despues di sera e seguro.”
Bo ta kere ku un transakshon hasí òf ku tin intenshon di hasi ta kuadra ku un òf diferente di e indikadónan akí? E ora ei bo tin e obligashon legal pa mèldu esaki na nos.
Kiko ta pasa ku un transakshon no-usual?
Un instituto ku a mèldu un transakshon no-usual ta risibí outomátikamente un notifikashon, esta un konfirmashon di resepshon. Esaki ta importante en konekshon ku indemnisashon. Nos ta investigá e transakshon no-usual akí. Si despues di e investigashon nos deklará e transakshon akí sospechoso, e ta na disposishon di servisionan di investigashon di krímen, di inteligensia i di siguridat. A base di nan propio prioridat nan ta sigui hasi mas investigashon.