Abogado
Komo Abogado bo ta obligá pa mèldu transakshonnan no-usual na FIU-Nederland. Esei ta pará den e Lei di prevenshon di labamentu di plaka i finansiamentu di terorismo BES (Wwft BES). Bo ta mèldu tantu transakshon hasí komo transakshon ku no ta finalisá ainda (transakshon ku tin intenshon di hasí). Asina bo ta kontribuí na e lucha kontra labamentu di plaka, delito asosiá ku i finansiamentu di terorismo.
- Dunamentu di konseho òf suministro di apoyo dor di e persona natural, persona hurídiko, òf sosiedat ku komo abogado, notario òf kandidato pa notario, accountant, konsehero di impuesto, o sea komo eksperto riba tereno hurídiko, fiskal òf atministrativo, o sea den ehekushon di un profeshon hurídiko òf empresa, ta ehersé labornan similar di un profeshon òf empresa legal riba su mes i di forma independiente, ora di:
1°. Kompra òf benta di propiedat inmóbil;
2°. Maneho di sèn, papel di balor, moneda, papel di moneda, metal presioso, piedra presioso, òf otro balornan;
3°. Lantamentu òf maneho di sosiedat, persona hurídiko, òf entidatnan semehante;
4°. Kompra òf benta o sea tumamentu over di empresa;
- Aktua na nòmber i pa kuenta di un kliente den kaso di un transakshon finansiero òf transakshon di un propiedat inmóbil dor di un persona natural, entidat hurídiko òf sosiedat manera abogado, notario òf kandidato komo notario, o sea den ehekushon di un profeshon hurídiko similar.
Ki ora mi ta mèldu un transakshon?
Bo tin e tarea legal pa ta alerta pa transakshon di bo kliente, i pa mèldu transakshon no-usual. Komo atministradó di un instituto di invershon bo ta na altura kiko ta usual den bo sektor. P’esei abo mes por husga mihó si un transakshon ta no-usual i posiblemente ta relashoná ku labamentu di plaka, delito asosiá ku òf finansiamentu di terorismo. Pues bo huisio profeshonal ta importante.
Tin transakshon ku semper bo mester mèldu, sin importá e sirkunstansianan. Esaki ta transakshon ku ta kuadra ku e indikadónan ophetivo. Akibou bo ta haña un resúmen di e indikadónan ku ta yuda bo evaluá transakshonnan. Ademas e guia general di ministerionan di Finansa i Hustisia i Siguridat i e guia di de Órden di Abogado hulandes (NoVA) ta duna bo hèrmènt pa kumpli ku e lei. De Órden di Abogado hulandes (NoVA) ta bo supervisor i ta kontrolá si bo ta tene bo mes na bo obligashonnan di den Wwft.
Kua indikadó ta yuda mi evaluá transakshonnan?
Tin 3 indikadó ku por ta aplikabel pa atministradónan di instituto di invershon. Ku nan bo por determiná si bo tin ku mèldu na FIU-Nederland. Si e transakshon ta kuadra ku e indikadó ophetivo, e ora ei semper bo tin ku mèldu. Ku e indikadó suphetivo ta partikularmente importante pa bo mes kalkulá si un transakshon ta no-usual.
E deskripshon literal di e indikadónan den e Dekreto di ehekushon bo ta mira akibou. Bo ta usa e kódigonan poné dilanti di e indikadónan, ora di mèldu un transakshon no-usual. Si bo mèldu a base di un indikadó suphetivo, ta importante pa huntu ku bo denunsia, duna un deskripshon amplio den kua bo ta deskribí e transakshon i splika dikon bo ta sospechá ku tin asuntu di labamentu di plaka òf finansiamentu di terorismo.
Servisio manera esnan intenshoná den parti k di anekso a den e lei.
Subjectief01 – “Un transakshon di kua e dunadó di servisio tin motibu pa suponé ku esaki por tin di haber ku labamentu di plaka of finansiamentu di terorismo.”
Objectief01 – “Ta lógiko, den kaso di transakshon ku tin konekshon ku labamentu di plaka òf ku finansiamentu di terorismo, ku ta mèldu na polis òf na Ministerio Públiko, pa tambe mèldu nan na e Unidat di Inteligensia Finansiero; ya ku ta eksistí e suposishon ku por tin un konekshon entre e transakshon aki i labamentu di plaka òf finansiamentu di terorismo."
Objectief09 - "Transakshon den kua ta paga USD 11.000 òf mas na òf dor di intermediashon di profeshonal den plaka kèsh, ku chèk na portador, un instrumènt di pago adelantá (tarheta prepago) òf medio di pago semehante."
Bo ta kere ku un transakshon hasí òf ku tin intenshon di hasi ta kuadra ku un òf diferente di e indikadónan akí? E ora ei bo tin e obligashon legal pa mèldu esaki na nos.
Kiko ta pasa ku un transakshon no-usual?
Un instituto ku a mèldu un transakshon no-usual ta risibí outomátikamente un notifikashon, esta un konfirmashon di resepshon. Esaki ta importante en konekshon ku indemnisashon. Nos ta investigá e transakshon no-usual akí. Si despues di e investigashon nos deklará e transakshon akí sospechoso, e ta na disposishon di servisionan di investigashon di krímen, di inteligensia i di siguridat. A base di nan propio prioridat nan ta sigui hasi mas investigashon.