Na 1989, ta lanta e Financial Action Task Force on money laundering (FATF, Task Force Finansiero tokante labamentu di plaka). Hulanda ta un di e promé miembronan, i for di su establesimentu ta tene su mes na e rekomendashonnan di FATF. Mas informashon tokante FATF i e rekomendashonnan bo por lesa aki.

Na 1991 ta publiká e promé Anti-Money Laundering Directive (AMLD, Direktiva Kontra Labamentu di Plaka). E intenshon di e direktiva ta pa prevení ku kriminalnan por usa instituto finansiero pa laba plaka, i ta duna direktivanan pa entre otro monitoring di transakshon i Know Your Customer (Sa ta Ken ta bo Kliente).

Na 1994 bankonan hulandes i otro instansia finansiero ta haña e obligashon di mèldu transakshon inusual serka e Meldpunt Ongebruikelijke Transacties (MOT, Punto di Mèldu Transakshon Inusual). MOT ta investigá e informenan aki i ta deklará transakshonnan sospechoso. E punto di mèldumentu aki ta un di e prekursornan di FIU-Nederland.

Na 1995 ta lanta e Egmont Group; un mankomunidat internashonal entre FIUnan.

Na 1999, ta komienso di e Ofisina pa apoyo polisial di e Fiskal Nashonal tokante e Lei MOT (BLOM). Esaki ta un di e prekursornan di FIU-Nederland.

E atakenan terorista di 11 di sèptèmber 2001 ta un momentu ku tin un kambio desisivo. For di 2001, FATF ya no ta enfoká solamente riba labamentu di plaka, sino tambe riba finansiamentu di terorismo.

For di 2003, entre otro makelar, konsehero di impuesto, abogado, notario, i accountant tin deber di mèldu.

E di tres direktiva aki ta esun promé ku tambe ta presta atenshon na finansiamentu di terorismo.

Na 2006, MOT i BLOM ta bira unu i bira e FIU-Nederland ku nos konosé awor.

For di 2008, e Lei di Prevenshon di Labamentu di Plaka i Finansiamentu di Terorismo (Wwft) ta na vigor. E lei ta remplasá e Wet identificatie bij dienstverlening (Wid, Lei identifikashon den dunamentu di servisio) i e Wet melding ongebruikelijke transacties (Lei MOT, Lei mèldumentu di transakshon inusual). Den e Wwft, Hulanda ta elaborá e direktivanan oropeo.

E islanan Boneiru, Sint Eustatius i Saba awor ta parti di Hulanda. Dunadónan di servisio establesé riba e islanan BES, yamá Hulanda Karibense, tin e deber di mèldu transakshon inusual serka FIU-Nederland. Nan ta hasi esei a base di e Wwft BES.

For di promé di yanüari 2013, FIU-Nederland formalmente ta parti di e persona hurídiko Estado di Hulanda. Na nivel di maneho a pone FIU-Nederland kai bou di Polis Nashonal komo un entidat independiente ku ta operá di forma independiente. Na nivel polítiko ta kai bou di Ministerio di Hustisia i Siguridat.

Servisio di kambio entre divisa fidusiario i divisa virtual ta haña deber di mèldu, pareu ku ofresedónan di pòtmòni digital.

Dia 11 di febrüari 2021, ta firma e dokumento di aliansa Fintell Alliance. Asina a registrá e kolaborashon públiko-privá (PPS) entre ABN AMRO, ING, Rabobank, Volksbank, Knab, i FIU-Nederland di forma ofisial.