Deber di mèldu
E Wwft BES ta apuntá diferente grupo di dunadó di servisio ku ta sirbi komo protektornan di e sistema finansiero.
Den artíkulo 1.1 Wwft BES basá riba e kriterio ‘dunadó di servisio’ i ‘servisio’ ta determiná riba ken e lei ta aplikabel. Un ‘dunadó di servisio’ ta tur hende ku ta duna un ‘servisio’ komo profeshonal òf komo negoshi. Bou di e kriterio ‘dunadó di servisio’ ta kai persona hurídiko, pero tambe persona natural.
Den anekso A Wwft BES a inkluí un lista di 23 servisio ku tin e deber di mèldu. Pues, si abo ta hasi un òf mas di e servisionan komo profeshon òf negoshi, e Wwft BES ta aplikabel, i bo mester mèldu transakshon inusual serka FIU-Nederland.
Registrá
FIU-Nederland ta distinguí entre dunadó di servisio registrá i usuario registrá na nòmber di e dunadónan di servisio ku ta mèldu aki. Si abo ta e úniko òf e promé persona ku ta registrá na nòmber di un dunadó di servisio, e ora ei abo ta e usuario prinsipal. Bo por registrá tambe na nòmber di un dunadó di servisio registrá kaba ku ta notifiká, e ora ei bo ta supusuario.
- Bo ta yena e formulario di registrashon, i esei bo ta haña riba e Portal di mèldu. Aki bo mes ta skohe un nòmber di usuario i un password.
- Pasobra bo ta usuario prinsipal, bo mester aneksá un kopia di bo pasaporte, huntu ku un konfirmashon ku, na nòmber di bo institushon, abo ta outorisá pa mèldu transakshon inusual. Un ehèmpel di e dokumento aki bo ta haña aki.
Pa registrá un usuario na nòmber di un entidat ku deber di mèldu ku ta registrá kaba:
- Bo ta yena e formulario di registrashon, i esei bo ta haña riba e Portal di mèldu. Riba e formulario di registrashon bo ta yena e ID di mèldumentu mèldumentu korekto. Bo por pidi e number aki serka e usuario prinsipal di bo entidat ku deber di mèldu. Por ta haña e number den e portal di mèldu bou di "Mi Portal di mèldu".
Ora e formulario di registrashon (i den kaso di un dunadó di mèldu prinsipal tambe un kopia di pasaporte ku konfirmashon) a drenta serka nos i nos ta bai di akuerdo, nos ta pone bo na altura di esei via un mail. Denter di sinku dia di trabou bo por spera un mèldumentu di nos. For di e momentu ei, bo por log in riba e portal di mèldu. Pa esaki, bo ta usa e nòmber di usuario i e password ku bo a yena riba e formulario di registrashon. Pues, ta importante pa bo kòrda e kombinashon aki.
Prosedura pa mèldu
Despues di registrashon, bo por mèldu bo transakshon inusual serka FIU-Nederland. E mèldumentu mester kumpli ku e eksigensianan manera a menshoná nan den artíkulo 3.5 Wwft BES i semper mester sosodé via e Portal di mèldu. Nos ta konsehá bo pa lesa e manual pa e Portal di mèldu ora bo ta mèldu pa promé bia di e forma aki.
2. Awor, tin dos posibilidat pa manda bo mèldumentu: bo por yena un formulario di mèldu òf bo por mèldu via XML-Informe di mèldu. E último método aki ta obligatorio pa sierto grupo ku deber di mèldu i tambe ta apropiá pa yena hopi mèldu pareu. Bo tin pregunta tokante esaki? E ora ei, tuma kontakto ku nos.
No ta mèldu
A base di e Wwft BES, dunadónan di servisio tin e obligashon di mèldu un transakshon planiá òf hasi kaba ku ta kumpli ku un òf algun indikadónan manera a stipulá esakinan. Si un dunadó di servisio a keda sin mèldu un transakshon inusual, e ta hasi su mes kulpabel na un violashon di e Wwft BES. Ora por papia di no kumpli ku e deber di mèldu, sea konsiente òf inkonsiente, e dunadó di servisio ta hasi su mes kulpabel na un echo kastigabel loke ta trese konsekuensia, manera stipulá den artíkulo 6.1 Wwft BES. Den kaso ku no ta mèldu no-intenshionalmente (un infrakshon) por imponé kastigu di prizòn te un máksimo di seis luna, òf un but di e di kuater kategoria. Den kaso ku no ta mèldu intenshionalmente (un delito) por imponé kastigu di prizòn te un máksimo di dos aña òf un but di e di kuater kategoria.
A base di e informashon ku e tin na su disposishon tokante e komportashon tokante mèldu di un entidat, FIU-Nederland por hasi un investigashon mas profundo. Ora por papia di posibel omishon di mèldu, FIU-Nederland por mèldu esaki serka e supervisor en kestion. A base di e Lei supervishon finansiero, supervisornan tin kompetensia pa imponé un sanshon, multa imponé, òf but riba un dunadó di servisio si por papia di no kumpli ku e Wwft BES (deber di mèldu). Ademas, Ministerio Públiko tambe por disidí di start un persekushon penal ora no mèldu.