Kolaborashon internashonal
Kada bes, kriminal i terorista ta inventá manera nobo pa finansiamentu i/òf òf labamentu di plaka di nan aktividatnan ilegal. Dor di globalisashon i teknologianan nobo, ta mas fásil pa nan transportá nan sèn rònt mundu i lanta konstrukshonnan internashonal. Pa kombatí labamentu di plaka i finansiamentu di terorismo di forma efektivo, kolaborashon internashonal ta indispensabel.
FIU-Nederland ta invertí den mantenshon i profundisashon di e kolaborashon internashonal ku partnernan. Asina nos ta interkambiá informashon, konosementu i eksperensia (operashonal) ku FIU rònt mundu i nos ta aktivo den vários mankomunidat internashonal, manera Egmont Group i e Financial Action Task Force on money laundering (FATF).
Egmont Group: ret mundial di FIU
Meskos ku 166 otro FIU, FIU-Nederland ta miembro di Egmont Group òf di FIUnan. Egmont Group ta apoyá FIU rònt mundu i ta konsentrá riba fasilitashon i mehorashon di interkambio di informashon, konosementu, i kolaborashon entre tur FIU ku ta afiliá. Pa promové e interkambio di informashon aki i pa e por tuma lugá di forma seif, Egmont Group a lanta su propio plataforma.
Bo por haña mas informashon riba e website di Egmont Group.
FATF: Financial Action Task Force on money laundering (Task Force Finansiero tokante labamentu di plaka)
Na 1989, durante e G7-Top na Paris, a lanta e Financial Action Task Force on money laundering (FATF). FATF ta konsentrá riba kombatimentu internashonal di labamentu di plaka, i for di 2001 tambe riba kombatimentu di finansiamentu di terorismo. Komo miembro di FATF, Hulanda mester mantené e 40 rekomendashonnan di FATF. E rekomendashonnan ei ta trata por ehèmpel ku medida preventivo ku organisashon i grupo profeshonal ku deber di mèldu mester tuma pa prevení labamentu di plaka i finansiamentu di terorismo. Pero tambe tokante mehorashon di sistemanan hurídiko nashonal i kolaborashon internashonal.
Ademas, FATF ta supervisá funshon korekto i efektividat di e reglanan hurídiko. A base di e rekomendashonnan di FATF, regularmente ta husga i evaluá miembronan. Na 2022 tabata e evaluashon mas resien di FATF di Hulanda. Aki bo ta haña e publikashon ku gobièrnu hulandes a saka i aki e rapòrt ofisial di FATF.
RIEC Hulanda Karibense
E Regionaal Informatie en Expertise Centrum Caribisch (RIEC CN, Sentro Regional pa Informashon i Ekspertisio Hulanda Karibense) ta un mankomunidat di partner pa siguridat pa haña un mihó bista di e diferente formanan di aparensia di i kriminalidat supversivo organisá na Hulanda Karibense.
E ta un kolaborashon struktural di algun partner di kombenio, esta e Entidatnan Públiko Boneiru, Sint Eustatius, Saba, Ministerio Públiko BES, KPCN, KMar, Ofisina di Impuesto/Duana CN, SZW, IND, Wardakosta i FIU-Nederland.
Asina, ku RIEC CN ta pone un bon base pa kolaborashon mihó i mas efektivo den aserkamentu di kriminalidat supversivo.
Interkambio di informashon denter di e Reino Hulandes
Den konteksto di Reino, FIU-Nederland ta traha huntu estrechamente i interkambiá konosementu i ekspertisio ku su instansianan igual na Aruba, Kòrsou, i Sint Maarten. Ku téknika desaroyá dor di FIU.NET, FIU-Nederland di forma anónimo ta konektá su base di dato ku esnan di e puntonan di mèldu di transakshon inusual den e sobrá paisnan di e Reino. Asina ta posibel pa klasifiká i kompilá rasgo finansiero ku ta pasa dor di e Reino di forma mas kompleto sin ku e paisnan di e Reino mester revelá kontenido di nan base di dato na otro.