Kiko ta finansiamentu di terorismo?
Finansiamentu di terorismo ta un nòmber kolektivo pa vários akto, ku finalmente tin komo meta pa hasi aktividatnan terorista posibel den sentido material.
Den artíkulo 84a Kódigo Penal BES ta indiká kua delito por konsiderá di ta delito terorista, si a kometé nan ku un intenshon terorista. Kiko e intenshon aki ta, ta deskribí den artíkulo 84b Kódigo Penal BES. Ademas, a hasi finansiamentu di terorismo kastigabel apart den artíkulo 435e Kódigo Penal BES. FIU-Nederland ta deskribí terorismo komo:
'Aspirá pa metanan o sea kometé aktonan ku tin komo meta pa terorisá poblashon òf parti di poblashon di un pais seriamente, o sea pa obligá un gobièrnu òf un organisashon internashonal di forma ilegal pa hasi algu, pa no hasi algu, òf pa tolerá algu, o sea pa seriamente perturbá òf pa destruí e strukturanan fundamental polítiko, konstitushonal, ekonómiko, òf sosial di un pais òf di un organisashon internashonal. Generalmente esaki ta sosodé dor di (menasa ku) violensia dirigí riba tumamentu di bida di hende.'
Diferente for di e fenómeno di labamentu di plaka, serka finansiamentu di terorismo no ta tantu e orígen di e sèn ta e problema, sino e meta pa kua ta usa e sèn i ken ta us’e.