Supsidio COZO popular den eksterior
Diferente institushon bankario ku deber di mèldu ta bati bèl serka FIU-Nederland ora konstatá partikularidatnan na gran eskala ku supsidio pa djòp en konekshon ku Corona den kuido (COZO).
![](https://bes.fiu-nederland.nl/wp-content/uploads/sites/2/2023/03/Euros-en-mondkapjes.jpg)
Esaki ta un supsidio pa trabounan temporal den funshonnan di apoyo, ku kua ta aliviá profeshonalnan den kuido ku e pedido di kuido ekstremo komo konsekuensia di e pandemia.
Pa e institushonnan ku tin deber di mèldu, un patronchi a bira visibel unda diferente dunadónan di kuido tabata risibí fondonan COZO i finalmente pa gran parti tabata resultá riba kuentanan di un empresa hulandes den eksterior ku aktividatnan komersial hopi diverso. Ora un banko a bin hasi pregunta na e UBO di e empresa aki tokante e proseso di kuenta hulandes, el a aktua kontra esaki. El a bisa ku ta sin sentido pa duna splikashon di transakshon, i el a menasá di tuma paso hurídiko. Sinembargo, e banko en kestion a blòkia e kuentanan hulandes.
Despues di un investigashon, FIU a deklará e mèldu di transakshon inusual sospechoso, i a pone nan den man di Inspekshon di labor Hulandes (NLA), ku ta enkargá ku investigashon di froude den kuido. Investigashon mas profundo dor di NLA ta demostrá ku den e periferia rondó di e ret aki ainda tin otro empresa di kuido mas, ku kua un patronchi komparabel a bira visibel. Algun indikadó ku ta resultá relevante ku esaki (1):
• Nan ta buk fondonan COZO riba otro empresa, siendo ku e propósito di e fondonan ta pa tuma personal den servisio i pa paga nan;
• E supsidio COZO ku nan ta risibí ta mas haltu ku e suma di salario bruto total òf e volúmen di benta;
• Empleado den empleo ta risibí suèldu serka vários empresa pareu;
• Ta yega un momento ku un empresa ta deskontinuá tur relashon di trabou pa despues kuminsá ku relashon laboral nobo.
Konsiderando tur esaki, dor di institushonnan ku deber di mèldu alerta, i investigashon mas aleu dor di FIU-Nederland i NLA, a surgi bista riba 32 empresa ku na tur a risibí EUR 11.000.000 na supsidio COZO i serka ken a konstatá partikularidatnan. Ounke ta muchu trempan pa bisa ku a atkirí e suma (total) di forma froudulento, esaki sí tabata motibu sufisiente pa Minister di Kuido Duradero i Deporte pa para e ekstenshon proponé di e areglo COZO te ku aviso, manera aki (2) ta splika mas aleu.