Komershante di merkansia di gran balor i material di konstrukshon
Komo komershante di merkansia di gran balor i material di konstrukshon bo ta obligá pa mèldu transakshonnan no-usual na FIU-Nederland. Esei ta pará den e Lei di prevenshon di labamentu di plaka i finansiamentu di terorismo BES (Wwft BES). Bo ta mèldu tantu transakshon hasí komo transakshon ku no ta finalisá ainda (transakshon ku tin intenshon di hasí). Asina bo ta kontribuí na e lucha kontra labamentu di plaka, delito asosiá ku i finansiamentu di terorismo.
Asuntu ku a base di e Wwft-BES ta kai bou di e aktividatnan di komersiante den merkansia di gran balor ta:
Kompra i benta di vehíkulo, piedra presioso, metal presioso, hoya, prenda, material di konstrukshon* o sea otro merkansia ku Nos Minister mester indiká pa medio di un areglo pa merkansia di gran balor o sea intermediá ku esei riba un montante ku Nos Minister mester indiká, ku por ta diferente pa diferente tipo di merkansia.
*Bou di material di konstrukshon ta komprondé e.o. material básiko manera palu, betòn, semènt, klenker, etc. Ademas, entre otro bentana, plachi di konstrukshon riba papel òf karton, material di isolashon, mosaiko, i material di heru ta kai bou di e definishon.
Ki ora mi ta mèldu un transakshon?
Bo tin e tarea legal pa ta alerta pa transakshon di bo kliente, i pa mèldu transakshon no-usual. Komo atministradó di un instituto di invershon bo ta na altura kiko ta usual den bo sektor. P’esei abo mes por husga mihó si un transakshon ta no-usual i posiblemente ta relashoná ku labamentu di plaka, delito asosiá ku òf finansiamentu di terorismo. Pues bo huisio profeshonal ta importante.
Tin transakshon ku semper bo mester mèldu, sin importá e sirkunstansianan. Esaki ta transakshon ku ta kuadra ku e indikadónan ophetivo. Akibou bo ta haña un resúmen di e indikadónan ku ta yuda bo evaluá transakshonnan. Ademas e guia general di ministerionan di Finansa i Hustisia i Siguridat i e guia di Ofisina di Supervishon Wwft (BT Wwft) ta duna bo hèrmènt pa kumpli ku e lei. De Ofisina di Supervishon Wwft (BT Wwft) ta bo supervisor i ta kontrolá si bo ta tene bo mes na bo obligashonnan di den Wwft.
Kua indikadó ta yuda mi evaluá transakshonnan?
Tin 3 indikadó ku por ta aplikabel pa atministradónan di instituto di invershon. Ku nan bo por determiná si bo tin ku mèldu na FIU-Nederland. Si e transakshon ta kuadra ku e indikadó ophetivo, e ora ei semper bo tin ku mèldu. Ku e indikadó suphetivo ta partikularmente importante pa bo mes kalkulá si un transakshon ta no-usual.
E deskripshon literal di e indikadónan den e Dekreto di ehekushon bo ta mira akibou. Bo ta usa e kódigonan poné dilanti di e indikadónan, ora di mèldu un transakshon no-usual. Si bo mèldu a base di un indikadó suphetivo, ta importante pa huntu ku bo denunsia, duna un deskripshon amplio den kua bo ta deskribí e transakshon i splika dikon bo ta sospechá ku tin asuntu di labamentu di plaka òf finansiamentu di terorismo.
Servisio manera esnan stipulá den parti m di anekso A den e lei.
Subjectief01 – “Un transakshon di kua e dunadó di servisio tin motibu pa suponé ku esaki por tin di haber ku labamentu di plaka òf finansiamentu di terorismo.”
Objectief01 – “Ta lógiko, den kaso di transakshon ku tin konekshon ku labamentu di plaka òf ku finansiamentu di terorismo, ku ta mèldu na polis òf na Ministerio Públiko, pa tambe mèldu nan na e Unidat di Inteligensia Finansiero; ya ku ta eksistí e suposishon ku por tin un konekshon entre e transakshon aki i labamentu di plaka òf finansiamentu di terorismo."
Objectief10 - "Transakshon den kua ta bende merkansia kompletamente òf den parti kontra pago kèsh unda e montante pa paga kèsh ta USD 11.000 òf mas.
Bo ta kere ku un transakshon hasí òf ku tin intenshon di hasi ta kuadra ku un òf diferente di e indikadónan akí? E ora ei bo tin e obligashon legal pa mèldu esaki na nos.
Kiko ta pasa ku un transakshon no-usual?
Un instituto ku a mèldu un transakshon no-usual ta risibí outomátikamente un notifikashon, esta un konfirmashon di resepshon. Esaki ta importante en konekshon ku indemnisashon. Nos ta investigá e transakshon no-usual akí. Si despues di e investigashon nos deklará e transakshon akí sospechoso, e ta na disposishon di servisionan di investigashon di krímen, di inteligensia i di siguridat. A base di nan propio prioridat nan ta sigui hasi mas investigashon.