No e konseho ku a spera
A pidi un ofisina di asesoramentu konseho tokante kompra di un propiedat inmóbil. Tabata tokante kompra di un propiedat ku komo meta pa hür e propiedat inmóbil aki ku hende.
E kumpradó a optené e propiedat inmóbil den privá i pa e hürmentu nan tabatin intenshon pa lanta un BV. E fuente di e medionan tabata un fiansa monetario dor di un BV invershon eksterno, ku na su turno a risibí e medionan di su UBO.
Ni e partido ku ta kumpra, ni esun ku ta proveé fondo no a yega di bin komo kliente serka e ofisina di asesoria aki.
Durante e investigashon di kliente ku a bini promé ku e mèldu di e transakshon planiá a resultá for di trempan ku e dunadó di fiansa a akumulá su kapital den brènchnan intensivo di plaka kèsh, i un kantidat di invershon den propiedat. Tur dos faktor ta trese un riesgo mas haltu riba labamentu di plaka. Durante e investigashon di kliente, e konsehero a buska den notisia den medionan di komunikashon i a keda sorprendí pa un artíkulo tokante e dunadó di fiansa den kua ta relashoná e persona aki ku práktikanan sospechoso den e sektor di propiedat. Ademas a resultá for di e kombersashon ku e dunadó di fiansa ku esaki lo tin un moral di impuesto sospechoso, i ku e tabatin deklarashonnan sospechoso riba vários punto. Esaki a kita e konfiansa di e konsehero ku e kapital di e kliente tabatin un fuente legítimo. Despues, e konsehero a mèldu e transakshon inusual serka FIU-Nederland i a para e relashon ku e kliente, asta promé ku el a kuminsá.
For di e análisis di FIU-Nederland por a konkluí ku e konsehero su sospecho tabata klòp. A base di nos análisis a lanta e suposishon ku e dunadó di fiansa tabata traha huntu ku esun ku a tuma e fiansa. Esta, a resultá ku e dunadó di fiansa ya a bini na bista di FIU-Nederland den un análisis unda diferente empresa di e UBO aki tabata duna fiansa monetario. Ademas, e UBO no ta deskonosí serka e servisionan di investigashon. Huntu ku su entidatnan hurídiko, nan ta sospechá ku e UBO ta duna fiansa monetario i di otro formanan ta fasilitá fluhonan monetario pa personanan envolví ku echonan kastigabel. Despues ta invertí e sèn den propiedat inmóbil tantu na Hulanda komo na Boneiru.
Komo ku e konsehero aki a aktua di forma perseptivo i kritiko, probablemente a prevení ku e UBO por a fasilitá un konstrukshon pa labamentu di plaka ku fiansanan fingí, esei ta nifiká fiansanan ku kua por a skonde identidat di e doñonan real. Pa FIU-Nederland esaki tabata sufisiente motibu pa deklará e transakshonnan sospechoso, i pasa nan pa (servisionan di) investigashon, ku lo sigui traha riba e kaso aki.