Tin vários manera pa optené e edifisionan aki. Asina, ta posibel ku nan ta aserká hende vulnerabel pa pone un (parti di un) edifisio na disposishon, òf nan por kumpra e edifisionan konsientemente. Pa optené e edifisionan, nan mester hasi uso di diferente protektornan di Wwft: taksatùr, makelar, notario, konsehero di hipotek (te kon leu nan ta kai bou di Wwft) i dunadó di hipotek. P’esei, e protektornan por hunga un papel esensial den señalamentu di e problema aki.

No tur ora esei ta fásil, pero tòg FIU-Nederland ta haña mèldu tokante e tópiko aki, ku tabata e punto di salida di análisisnan finansiero interesante ku nan a pone den man di outoridat pa investigashon. For di esaki, entre otro ta bin dilanti ku no tiki bia nan ta hasi uso di fasilitadornan (ku no ta kai bou di e deber di mèldu) ku konosementu i eksperensia di e sektor. E spesialistanan aki sa eksaktamente ki dokumentashon ta nesesario. Esei ta hasié difísil pa e protektornan detektá nan. Pero e no ta imposibel. Pasobra maske ta parse ku e papeleria ta klòp, tòg por tin motibunan pa investigashon mas aleu.

Den esaki, entre otro pensa na empleo falsu unda por ehèmpel por papia di ‘red flags’ den forma di kombenio di trabou ku suèldunan haltu sin ku e funshon òf eksperensia di trabou ta duna motibu pa esaki, kontraktnan laboral ku nan ta para asina ku nan a aseptá e petishon di hipotek i/òf kombenio laboral ku a sera djis promé ku un petishon pa un hipotek. Loke tambe ta bin dilanti for di e investigashonnan di averiguashon ta hasimentu di tiki pregunta tokante e edifisionan i prinsipalmente ta dirigí riba sera e kompra mas pronto posibel. Òf, kompra di un bibienda dor di un hende ku no tin ningun laso ku e region, ni tampoko ta duna un motibu kla pakiko e ta kumpra e bibienda.