Djòp lukrativo pa studiante
Remarkabel sí e ta, ora riba un kuenta di studiante hasi depósitonan kèsh grandi.
Riba e kuenta sí por mira transferensia pa un skol superior (Hogeschool), pero fuera di esei por mira basta tiki gastu ‘normal’ riba e kuenta. Anteriormente, ya e banko a yega di mèldu un kompra remarkabel serka FIU-Nederland. Un persona di 22 aña ta hasi un kompra na un tienda web ku ta bende mashin pa traha píldora. E banko ta mira ku e sumanan ku a paga ta kuadra ku e mashinnan ku a kumpra hopi probablemente. Den kombinashon ku e depósitonan, tin hopi paresido ku e studiante aki ta trafiká droga.
E investigashon for di FIU-Nederland ta kuadra ku e pensamentunan di e banko. For di e análisis di kuenta ta resultá ku e studiante tambe ta risibí sèn di familiarnan, ku kada un di nan ademas ta hasi depósito kèsh grandi riba nan propio kuentanan. Despues, for di informashon polisial ta bin dilanti ku na nòmber di e studiante tabatin kondena relashoná ku lei di opio. Ademas, no ta haña entrada, loke ta hasi e depósitonan ineksplikabel. I ta parse ku e studiante aki tambe ta embolbié den un kaso den eksterior, ku ta trata di sèn falsifiká. Pues, seguramente e no tabata solamente envolví ku su estudio. Nan ta deklará e fail sospechoso, i ta pone esaki den man di servisionan di investigashon.
Basá riba e fail aki, un búskeda a tuma lugá serka e studiante. A konfiská un suma grandi den plaka kèsh, i tambe un outo, píldora, un arma di kandela, oloshinan i hoyanan, i paña di marka karu. Pues, e studiante aki den futuro lo mester buska un otro djòp pa studiante.