Di ganashi di kasino sin hunga pa droga den kònteiner di laman
Un dunadó di mèldu ku a paga tinu a ripará ku un bishitante di e kasino praktikamente no tabata hunga ku e fichanan ku el a kumpra e anochi ei.
El a kumpra e fichanan ku papel di €50, pero nan a keda prinsipalmente den saku di e bishitante. Remarkablemente, durante e anochi ei e fichanan (parsialmente) a kambia di doño; no komo pèrdida ku a bai bek pa e kasino, sino direktamente di e bishitante aki pa un di dos bishitante, ku despues kier a kambia nan pa papel di €500.
Basá riba e méldu aki, nos di FIU-Nederland (Unidat di Inteligensia Finansiero hulandes) a kuminsá ku nos análisis. For di e posishon di informashon ku nos a lanta, un di tres persona a bin dilanti; ta resultá ku un hende ku enfátikamente por link ku e di dos bishitante, ta pone hopi sèn serka ofresedónan di wega di azar online. For di informashon di e Ofisina di Impuesto a resultá ku e sèn ku tabata pone no tabata kuadra ku e entrada. Di forma dirigí, e analista di FIU a hala atenshon di un tim di polis pa e transakshonnan sospechoso ku ya tabatin bista riba e di dos bishitante durante un investigashon pa ‘uithalers’ (hende ku ta saka droga for di kònteiner). E informashon di FIU tabata balioso pa klasifiká i kompilá relashonnan kriminal i pa haña un idea di e posishon di kapital di e di dos bishitante.
E aña aki, un lei nobo a drenta na vigor ku ta drecha posibilidat pa un aserkamentu penal di e ‘uithalers’ aki. Pa mas informashon, mira https://nos.nl/artikel/2419242-eerste-drugsuithalers-veroordeeld-onder-nieuwe-wet. (NL)
Finalmente, den e sirkuito kriminal tin nesesidat di papel di €500 pasobra ta pasa kontrabanda kantidatnan grandi di plaka kriminal na nivel internashonal, i e volúmen i peso ta oumentá hopi sin e plaka di papel grandi aki. Den e kaso aki, tabata na su lugá ku e kambiamentu pa plaka di papel grandi a pone e bèlnan di alarma tokante labamentu di plaka rin. Ademas, e ehèmpel aki ta mustra ku 'follow the money' ta di gran balor adishonal den kombate di labamentu di plaka i e kriminalidat basá riba esei.