Kua feedback mi por spera despues ku mi hasi un denunsia?
Nos ta realisá nos mes ku komo institushon ku obligashon pa mèldu, bo tin nesesidat di un feedback supstansiá. Mirando e obligashonnan legal di Wwft e opshonnan akí ta limitá. Tin hopi kos di nos trabou ku nos no ta permití di kompartí nada al respekto. Tòg nos ta trata pa duna bo feedback mas mihó posibel. Pa motibu ku aparte ku un feedback por traha motivante, e ta brinda bo posibilidat tambe pa reforsá prosesonan interno i unda ta nesesario, revisá e profil di riesgo di bo kliente- òf produktonan i kumpli mihó ku bo papel komo vigilante. Nos ta hasi esaki na diferente manera:
- Manda notifikashon (mas tantu posibel) pa e institushon ku tin obligashon pa mèldu, ora ku deklará un transakshon ku a mèldu sospechoso. Sinembargo, nos no por informá bo di e motibu di e deklarashon komo sospechoso òf kiko ta sosodé òf no ku e informashon akí durante e investigashon.
- Publiká kasonan riba nos wèpsait. Kompartí regularmente, a base di ehèmpelnan di den práktika, kasonan konkreto ku kua nos ta trata na informá institushonnan ku tin obligashon pa mèldu mas tantu posibel tokante e forma kon labamentu di plaka i finansiamentu di terorismo por tuma lugá den práktika.
- Publiká un resúmen anual den kua nos ta indiká e kantidat di transakshonnan sospechoso pa aña kalendario. Tambe nos ta deskribí algun análisis remarkabel ku durante di e aña a bin dilanti.
- Manda boletinnan informativo. Ku esaki nos ta trata na informá institushonnan ku tin obligashon pa mèldu, tokante entre otro kambionan di lei, tendensia- i fenómenonan i si ta posibel nos ta kompartí tambe señalnan di alerta señalá via e boletin informativo.
- Duna informashon na institushonnan ku tin obligashon pa mèldu pa medio di presentashon.
No opstante nos ta hasi nos bèst pa tuma mas tantu paso posibel riba e tereno akí, sin duda tin espasio pa mehorashon. Si bo tin idea tokante esei, tuma e ora ei kontakto ku nos.
-
Kon bo ta mèldu un transakshon no-usual bo por lesa riba e página di Obligashon pa mèldu.
-
No, bo mester registrá komo institushon ku obligashon pa mèldu pa kada ‘kalidat’ apart.
Si por ehèmpel bo ta un makelar di biennan inmóbil i taksadó e ora ei ta dependé di e situashon den kua kalidat bo ta hasi denunsia. Den e kaso ei bo mester tin dos registrashon na FIU-Nederland: un komo makelar i otro komo taksadó. Si konstatá un transakshon no-usual durante trabounan di taksashon bo ta mèldu e ora ei komo taksadó, si sosodé meskos den bo práktika komo makelar, bo ta mèldu e ora ei komo makelar.
-
Si, bo mester mèldu e transakshonnan no-usual akí. Mester hasi esaki segun e indikadó ophetivo di e Dekreto di Implementashon Wwft 2018: “Ta lógiko ku ta mèldu transakshonnan relashoná ku labamentu di plaka òf finansiamentu di terorismo ku a mèldu na polis òf Ministerio Públiko, na e unidat di Inteligensia finansiero tambe; ta asina pues ku ta suponé ku e transakshonnan akí por tin di aber ku labamentu di plaka òf finansiamentu di terorismo.”.