Mi mester tene kuenta ku e Ordenansa General di Protekshon di dato (AVG) ora di kumpli ku e obligashonnan a base di Wwft?
AVG ta rekerí un base pa prosesá datonan personal, di kua un base legal ta un di nan. Wwft ta un base legal asina. Komo institushon ku tin obligashon pa mèldu bo ta prosesá datonan personal di entre otro kliente-, representante- i finalmente interesadonan. Esei ta nifiká ku bo tin ku prosesá e datonan personal den e kuadro di Wwft aki pa ehekutá bo investigashon di kliente.
Mester hasi e investigashon di kliente eksigí basá riba Wwft, teniendo na kuenta e stipulashonnan den kapítulo 2 di Wwft. Esaki ta enserá ku mester determiná i dokumentá entre otro identidat di e kliente (por ehèmpel un kumpradó), i eventualmente e interesado final. Basá riba Wwft mester warda e datonan akí 5 aña despues di e transakshon òf despues ku e relashon komersial a terminá. Meskos ta konta pa datonan relashoná ku transakshonnan no-usual.